29 марта 2024, 02:56
rubeen
logo

Краснопольский

районный исполнительный комитет

официальный сайт

213561, г.п.Краснополье, Ленинская, 1
Приемная: 8 (02238) 7-99-60
E-mail: kras_priem@krasnopolie.gov.by
Режим работы: понедельник-пятница с 8.00 до 13.00, с 14.00 до 17.00
Понедельник, 30 января 2017 15:55

На працягу года ў Магілёўскай вобласці будзе праходзіць фестываль фальклорнага мастацтва «Скарбніца Падняпроўя»

На працягу года ў Магілёўскай вобласці будзе праходзіць фестываль фальклорнага мастацтва «Скарбніца Падняпроўя». Аб гэтым карэспандэнту сайта паведамілі ў Магілёўскім абласным метадычным цэнтры народнай творчасці і культурна-асветнай работы, які з’яўляецца арганізатарам мерапрыемства.

Падчас фестывалю адбудуцца народныя каляндарныя святы і шэраг тэматычных конкурсаў. У праекце прымуць удзел носьбіты і пераемнікі мастацкіх традыцый клубных устаноў і дзіцячых школ мастацтваў. Гэта аўтэнтычныя, фальклорныя калектывы, танцавальныя пары-выканаўцы, калектывы народных побытавых танцаў, народныя музыкі, майстры традыцыйных відаў дэкаратыўна-прыкладнога мастацтва, рамесніцкіх вырабаў, апавядальнікі народнай прозы і іншыя прадстаўнікі мастацкай творчасці, якія вывучаюць, пераймаюць і папулярызуюць аўтэнтычную культуру свайго краю.

Адкрыццё фестывалю запланавана на 22 лютага. У гэты ж дзень пройдзе першае зімовае свята з удзелам выканаўцаў, калектываў і майстроў Бялыніцкага, Бабруйскага, Быхаўскага, Глускага, Горацкага раёнаў.

Фестываль фальклорнага мастацтва «Скарбніца Падняпроўя» праводзіцца ў мэтах вывучэння, аднаўлення і захавання мясцовых (лакальных) традыцыйных культур, фарміравання каштоўнасных арыенціраў беларускага грамадства ў накірунку асэнсавання значнасці традыцыйнага мастацтва ў сістэме сучаснай беларускай і сусветнай культуры; выхавання падрастаючага пакалення сродкамі народнай спадчыны, арганізацыі традыцыйных форм вольнага часу.

mogilev-region.gov.by

© 2013-2023
Краснопольский районный исполнительный комитет
Официальный сайт